Israel outra vez

A última de Israel. Como sabes, em Israel nom há matrimónios homossexuais. De facto e estranhamente, nom há também matrimónio civil. Simplesmente, cada um casa de acordo com a religiom da sua comunidade. Ora, o Estado de Israel reconhece os matrimónios civis realizados no exterios.

Pois bem, esta semana, o Tribunal Supremo de Israel acaba de ditar umha sentença pola qual os matrimónios entre pessoas do mesmo sexo realizados no estrangeiro devem ser reconhecidos a todos os efeitos como um matrimónio hetero realizado no exterior, sem que possa haver discriminaçom algumha.

Sugestom para sair do armário

Todos sabemos da importância de sair do armário. Revelando-nos tal como somos, nom fingindo levar umha vida que nom é a nossa, dotamo-nos a nós mesmos da dignidade que muitos nos querem quitar. Saindo do armário deixamos de vermo-nos obrigados a ser polícias de nós mesmos. Nom é fácil. Umha sugestom de como fazê-lo.

O Orgulho Gay em Jerusalém

Afina celebrou-se o Orgulho Gay em Jerusalém. "Celebrar", neste caso, uso-a a falta de algo melhor que expresse a frustraçom e a exasperaçom de que seja considerado como provocaçom o direito à manifestar as nossas opinions, a manifestar e celebrar-os a nós mesmos.

Um pode celebrar um desfile do Orgulho Gay em Tel Aviv e nom se passa nada. Mas quando chegamos à Jerusalém... oh, entom estamos numha cidade santa na que os piedosíssimos que ali moram consideram um sacrilégio a realizaçom do que eles consideram a "marcha da abominaçom". Para impedir que os abomináveis cometam essa marcha da abominaçom unem-se as religions irreconciliáveis desde há 2000 anos e os jovens haredim (piedosíssimos em roupa negra) comportanse como jarraitxus em kale borroka e prendem lumem aos contentores de lixo ocupando as ruas, mentres guindam pedras contra a polícia.

O concelho de Jerusalém, chocado polo clima social, proíbe o desfile e concentra numa zona marginada da cidade (na zona universitária) os actos do Orgulho Gay, entrementres aqueles que se negarom a prescindir do seu direito a manifestar-se som arrestados pola polícia.

Impresentável!!!! Sobretodo porque a zona realmente sagrada é a cidade velha de Jerusalém, nom a zona contemporánea na que ia se celebrar o desfile. Ninguém pensara em entrar na Esplanada das Mesquitas nem na do Muro das Lamentaçons.

P.D.- Agora deveríamos seguir a provar a tolerância e tentar fazer marchas do "orgulho gay" na Cidade do Vaticano e na Mecca. Deixariam-nos sequer fazer umha concentraçom discreta?

Curando as ovelhas gays?

A Universidade Estatal de Oregon e a Oregon Health & Science University em troca de estar a investigar sobre a SIDA ou o cancro estám a esbanjar os fundos que recebem dos cidadáns de Oregon tentando inventar procedimentos médicos para curar a homossexualidade. Os experimentos estám a se realizar em ovelhas.

Por agora, o que estám a fazer é usar drogas para previr a acçom durante o embaraço de hormonas que pudessem afectar o cerebro e a orientaçom sexual do feto. Também abrem os cerebros de ovelhas gays para encontrar os mecanismos hormonais que as induzem a ser homossexuais. Um outro investigador experimenta introduzindo no cerebro das ovelhas maricas um dispositivo de estrógenos no cerebro para modificar as suas tendências homossexuais e convertê-las em heterossexuais.

Nom vou comentar a crueldade que supom muitos destes experimentos para os animais. O que sim quero comentar é que estes experimentos têm umha segunda fase que é a aplicaçom do resultados aos humanos.

Na realidade, estes doutores frankenstein e quem os subsídia e tolera seguem com a mentalidade de considerar a homossexualidade que há que curar. É deprimente pensar que a Associaçom de Psiquiatras norte-americanos, que a OMS, que... nom consideram desde há décadas a homossexualidade umha doença e que estes "científicos" e os seus subsidiadores nom se queiram inteirar e neguem a realidade. Ou muito pior, que se inteirem e que, para conseguir dinheiro e subsídios, nom tenham o menor escrúpulo em alentar os mais escuros preconceitos.

Mais um outro hipócrita fora do armário

Este mega "chulo" que aparece oferecendo as suas habilidades foi o factor do último outing escandaloso.

A estrela da espectacular saída do armário numha entrevista feita a Mike foi nem mais nem menos que o Pte. da "Associaçom Nacional de Evangélicos" de EUA, o Rev. Ted Haggard, umha personagem de induvitável influência política dentro da direita religiosa que tem acesso directo à Casa Blanca.

Segundo Mike, Ted Haggard requeriu os seus serviços ao menos umha vez por mês nos últimos três anos, ao que acrescentou que Haggard tomava antes da "performance" cristal, cousa que Haggard admitiu. Refiro-me a usar cristal, nom à foda com o Mike.

Dito todo isto, para ser justos com Haggard há que dizer que ainda que este home foi um dos impulsores da emenda que propóm a modificaçom da definiçom de matrimónio para deixar claro que só pode ser entre um home e umha mulher-- e nunca entre dous maricas ou duas camioneiras --, ele nunca se opujo a leis estatais que outorgavam muitos dos direitos dos matrimónios heteros às parelhas gays, declarando que esse era um direito dos cidadáns e dos legisladores outorgar-lha. Também foi dos que estivo a favor de que o Tribunal Supremo declara-se ilegais as leis da sodomia existentes em vários estados já que na opiniom (sensata) de Haggard, o que façam dous adultos de vontade nas suas camas é cousa deles e nom do Estado. Já quigéramos que a IC fosse assim de moderada!