Vamos ao Orgulho Gay de Letónia

Seguimos na Nova Europa. No anterior falávamos de Roménia, agora vai a cousa com Letónia.

"Nom podemos agachar-nos nos matos entrementres toda quanta ralé e maricom passeiam polas ruas". Esta elegantíssima frase procede de Dainis Turlais, membro do partido governamental de Letónia. Em realidade pouco nos interessaria aqui os detritos produzidos por este insigne pessoeiro se nom for porque foi nomeado polo parlamento lituano para fazer parte da Assembleia Parlamentar da OSCE, entre cujas missons está a de supervisar o respeito dos direitos humanos, das liberdades básicas e os direitos das miniorias polos 55 estados membros da organizaçom.

Em harmonia com esta decissom, as celebraçons do Orgulho Gay em Letónia estám sendo ameaçadas polos seus políticos, começando polo Pte. da cidade de Riga e seguindo polo seu Primeiro Ministro que onte, numha entrevista na tv, falava de problemas de segurança para a sua celebraçom.